ترفض الزواج

فتات من الحسنوات ترفض الزواج
كتبت في حقها هذه القصيدة


ترفض الزواج


ملكة الزين بلى تاجْ
ترفض العشقْ والزواجْ
نفختْ الطيبْ ازْكاها
ولّ الغالى بْغى لعواجْ
منْ شافها نسحرْ وبغاها
فتات في سن الزواجْ
بصمة فالقلب ماتنساها
زينة بنت لخضر الحاج
أكثرْ منّّّّّّّّّّّّ خطيب جاها
قالت لوْ كانو أمواجْ
تْحير منها بباها
وْقال السحارْ غْواها
كيفْ ترفضْ الزواجْ
دْقول المرضْ كْواها
لزواجْ مانى محتاجْ
الطْبيب ماعرفْ دْواها
انْسى طبّو وبْغاها
وْولّ يتبعْ فالحاجْ
ْبكى عْليها وبْكاها
وْقال اصبرى للْفرّاجْ
مافهم الي ربّاها
وْمافهم سرْ العلاج
تبغى الوحدة يامغواها
علاج بْلى إنتاج
شْحال منْ طالب جاها
ّ نال الندم والإحراج
تشتك غيرْ الْمولاها
هو القادر والفراج
هو الخالق إذابلاها
في يدو الشفآ والعلاج
رحمة واسعة ماتفناها
يعطى للغانى والمحتاج
مايعجز إذا عْفاها
ويخرّجها منْعنق الزّجاجْ
يا الّريح اّلي تهواها
حْرْسها بسيف ْ الحجاجْ
وْقف دئما بحذاها
وْماتخليها تحتاج
كل الشباب يتمنْاها
وْ تهتف بسم الحاج
تتْكلم في وجها وقفاها
ملكة الزينْ ْبلى تاجْ
سبحان الي عْطاها
صيارْ ماهو خرّاجْ
تتمنى فالطريق ماتلقاها
ملّة بْلى منْهاجْ
الكل يقول أنا موْلاها
وْهيّ دْقول مانحتاجْ
بقلم الشاعر احمد ك...........سيدى لخضر في 25 ماي 2011