أدهن السيـــــــــر آخر الزمان يقولو أدهن السير يسير
فحذاري يا سمسار
السير يوليلك ذكير
الصياد ليه خيوطو اساس
تمشيه و علتو لمقاس
و البحر ما يتخوض
و أل جاتو الحملة يولي عكير
تفسد على الأمة معيشتها و تضيق على الناس
ترفد يدها للجبار و هو ليهم بالإجابة جدير
شحال اديت من مرة و شحال ضيعت حقوق لنفاس
حق المضلوم ما يربح و حسابك عند الإلاه عسير
ماتقول شطارة ما تقول نخدم مخي في الراس
تدي حقك ما تقنع و تدهن بنصو تزيد كثير
البطن الي ماتشبع علتها في الطابلة تنحيها لمواس
و أل ما عطاك مولاك بالرشوة ماتقول ندير
شحال من نفس خرجت مقشورها عاشت فلاس
بقلم الشاعر : أحمد كلوى