الناس معـــــــادن

الناس معـــــــادن





الناس معادن مايعرفها إلا مولاها


منهم كالبحر إذا فاض على الأمة كلاها


و منهم كالسم المعصور في الكاس مخبي


و منهم كالشوك ألي نبت على الأرض الخصبة و كساها


و الشوك ما يتفلح و الغلة ما تلقح في وسط شواكو


ماء المطر بالقطرات و الأرض تقسم للودية بشعابها


و البحر ما يتخوض بمخلوق غير ألي خلقو


المعدن المسموم موت و الموت لا تجربها


و الي بغا يجرب يبدا بنفسو بالحق يعدل


و المرءة ألي عاشت معاك سنين و إل غضبت تعرفها


عشنا مع ناس سنين نهار الشدة عرفناهم في ساعة


و المجرب راسو مرفوع يعرف الأرض بسماها


كل مخلوق عندو معشوق يشق عليه فراقو


المتخلق قالو جبان


أشرت بعض الخلائق عليه بنيابها


و الراجل يطيح في الدنيا طيحات و ينوض منها مسلح


و إل عادت و جات بالخبرة سلاحو يلقاها


يلي عقلك بعيد عينك ليه تنظر


الناس معادن و النظرة كل واحد كيفاه يقراها


خصص عينيك في طريقك و أهرب بعيد


أسرع برجليك شوية و طريقك ماتولي معاها


و الي يقلد في مشياتو الرجلة هربت خلاتو


و المرا لا ديرلها ديما مرضاها


توالف تحير معاها


لبس نفسك تعجب الناس


و لبس قدك يجيك قياس


الناس معادن يا محلاها


مرض الفهامة وين دواها


عاد المال هو الفهامة


الفلا هي الأساس علامة


و الهربة للفقر سلامة


و الي ماسلكت شراها


بعض الناس الفطنة ليهم علة


عطاو خيرهم لغيرهم


بدلو خيارها بذيالها


و الي ماعندو بقرة لبقرة الناس ديما حلاب


و الي ما في جيبو جيوب الناس فلاها


الناس معادن الي ماجربو خابو


و ألي داها خريف و قمرات


راحت أيامو بجلالها








بقلم الشاعر : أحمد كلوى










[/size]

لبس نفسك تعجب الناس


و لبس قدك يجيك قياس


كلمات رائعة بارك الله فيك