خبار غريبـــة
جاتني اخبار غريبة تجري
ماعرفتها حقيقة و ل منام
رن التيليفون نص الليل
مسحت عيني
ماني راقد ماني في لحلام
قمت من فراشي و بعثت
احساسي
الصوت مخفوض و خفالي
دهشة كسات قلبي و الرعشة
على عيني و اليل مظلام
قهوة صافية من التلوة
طلعتلي النشوة
صوت حنين و غالي
الي رامها قلبي اداها
الي ماعشقها
و هي عشقت الفاني و
الفاني مادام
الزين عند السلاطين تفاح
معمرين بيه السلالي
و المعوزين يعزوه مثل
الذهب
يبنولو في العلالي مقام
يظهر مثل القمر بنورو
معزوز
في وسط اليالي
شواق لسنين بغا يولي
و عيات منو لعوام
الي كان مشتاق تمرة
كي مات علقولو عند راسو
عرجون يلالي
مول ربعة ادا كف و صفعات
ما بقالو يحيي لغرام
يبدل الياس بالرجاء
ما يرفع راسو في السماء
عالي
الحليلة تقول ماني سلعة
في السوق نتبدل كي نقدام
مابقيت على ديداني
جبلي ضرة تعيش قبالي
تقول ما شافوني السلاطين
كي كنت لؤلؤ و علي
السلام
ماحولت راسي في سمع
خبارها
ساعة و نسيت حوالي
ياريتكم في الحلبة
و لي عاشت منكم نكمل
معاها ليام
مشحال من ضر كان مستور
و انا نقول غير غزالي
سرار بموجت الريح
جات في الغيام مع ارقام
مانشغلت يوم بغير اشغالك
نبدل النمط و نعيش
لشغالي
حياة العاشق تبدى بالعين
و روح العشق كلام
يتمدد بالشعور
و يصعد للمقام العالي
ذالجيل جا حالو مغيم
الرجال هايمة و النسا
بالعرارم
لسنين غصبت العازبات
ماتزوجو
ياليام رتلي و اطوالي
بان الشيب و لسنان بداو
يتسوسو
واحد ما خطبك يا لحمام
يا شباب كفاك الهجر و
انت ماتهجر
النسا كاينين و المهر
غالي
النسا عازبين و احنا
بايرين
الفقر كلانا و الدراهم
كاينين
بالسان و الكلام
عايش في ذا الزمان
الرعديد و الوكلي
و الكذاب الي قال انا
حكيم و تجيني لوهام
الصلاة و السلام على
محمد خير الأنام
بقلم الشاعر
احمدكلوى في سيدى لخضر 09افريل2010