عين الحـــــــــــــــــاسد

عين الحـــــــــــــــــاسد


الحساد نحى سنانو بدلهم
با لنيبان


ايفرش فالزرابة وي خيط منهم لكفان


زيد تعرف على حبابك وعطيهم فالحرفة ميعاد


تولي انسان مجرب ماتبقا لصحبا لعان


تبسيمت الحساد قصيرة طولتها لحقاد


معرفت الصغر صغيرة ماكانت فا لصحبة اركان


تعيش فالأيام البراءة وتريد لغفلة امداد


ما تستغرب اذا جاك الضد دقول سبحان الله كنا اخوان


دير يدك على خدك تبقى دايس في حداد


بالمال ولحرفة تعرف الناس وتولى فنان


توقع كل شر معدوك ما ديرو
فالحياد


لا تبني على بسمة تبيتك فى ندمة حيران


لاتنغدر اكثر من مرة ولا تغتر بالحاسد الجواد


يرصملك الربح ويوريلك منو لطنان


الحسد كلا الكبدة وحسا دم
لعباد


يسال عليك بالخير للخلطا مراك تبان


الغافل يحسبها محبة ويطيع ذاك الحساد


لو ماخفت كلامى يتمل لكتبت على حسادي ديوان


تقراه كل ذرية و يقولو هدية مالجداد


فضلت كلامى يكون قليل معانيه مثل الدخان


يقراوه الفاهمين والناس الي باتو سجاد


الحسد بالكلام والعين
مقسم على اثنان


جربت الحساد يزرع الشر و للخير حصاد


يبكي على الزمان وي كره الحيات بالهوان


عين الحاسد تميز وتشوف مالبعاد


يتمنى يزول ذاك الخير وتروح صحت لبدان


و يتمناك تفنى و تروح ما يبقالك في الدنيا عنوان


المومن مايكون حقود والرجالة دايما لسياد


شحال يتكوى الحاسد فاليوم وشحال فالزمان


وشحال يعاني المحسود وشحال يلاقى مالحساد


شحال زادو أعدائي وشحال
عداونى اخوان


وشحال ول عندى محبيب
الكثرة ولات منهم حساد


الحسد من الشيطان حسدو عليه الإنسان


شعلت النار في القلب و نحرقت منها لجساد


و لي حسدو الشيطان مابقالو ذرة من الإيمان


عايش في الحسد و لوهام ويفكر للفساد


من علينا بفضلك يا حنان يا منان


و صلي و سلم على نبينا خير الآنام








سيدي لخضر في 24 أفريل سنة 2010


بقلم الشاعر أحمد كلوى







[/size]

وجزاك الله خيرا