أمثال شعبية تساعدك يا آدم في الحياة

أمثال شــعبية

1. درجة درجة حتى يكمل الرجا .
2. النارو ما تخاف من البارود .
3. إيلا كال لك سلف لي حتى للسوق ، عرف ما غاتشد هوم حتى يتجمع عليكم السوق .
4. الزين فالدفلة وحار .
5. خود من والاك ، ما شي من عاداك . العنقود الكبير من الدالية المخدومة .
6. الحمية تغلب السبع ) في المثل العربي : الكثرة تغلب الشجاعة (
7. الضيف ما يتشرط ومول الدار ما يفرط .
8. أش قرب الشي للشي ، شي صحيح وشي راشي .
9. أجيو يا ناس تشوفو هذا الحبيب ، مشى للديب وبغا يديرو نسيب .
10. آه ! آه ! واللي دار شي يلقاه ) ومنهم من قال: قاه !قاه ! واللي دار شي يلقاه ( الرجال زينهم في عقولهم ، والنسا عقولهم فزينهم .
11. آش عندك العطار ؟ كولشي على ظهر الحمار .
12. اللي مقابل المريض هو مريض .
13. جا من برا ، وعاود ما طرا .
14. جا حتى الملاح ، وقال العاشقين فالنبي .
15. جا حتى للبلاد فليو ، وقاسو الرواح .
16. الجوع و النوع ، و البكا بلا
دموع
.
17. الجوع القبي ، ياكل و يعبي .
18. جايبوس ولد وعماه.
19. جمعهوم فجمعة ،و دارهم فركعة .
20. جابها فالطابع.
21. جبنا لقرع إونسنا ،عرا راسو وهوسنا .
22. جماعة كاتغني واحد ،وواحد مايغني الجماعة .
23. أ نا الأحمق بن الأحمق
،اللي درت من الديب حبيب .
24. خلاقينا بلاعيب
، و العيب هداف .
25. خرفات البحاير ، و بقات المعاير.
26. خلا همو فالسطل ، و مشا يطل .
27. خوك خوك ، لا يغرك صاحبك .
28. خبار الناس عند الناس .
29. خبز السوق ، ما ياكلو غير البراني .
30. خبزتي تحت باطي ، ما يسمع حد عياطي .
31. الخبز والما ما يخليو على القلب غمة .
32. خدم تيدم ، كلس تندم .
33. الخدمة على الأولاد ، أفضل من الجهاد .
34. الخدمة جات يا الراجل ، هرس الباب وديرها مغازل .
35. خدم يالتاعس للناعس .
36. خفو دفو ، والتناقر فوق السطوحة .
37. الخلاخل والخوا من الداخل .
38. خنفوسة وتونس ، ولا غزالة وتهوس .
39. دير الفلوس ففم السبع يقول لك بع .
40. دهن السير إسير .
41. دهن لو حلقو ، ينسى اللي خلقو .
42. داخل القالة بالجهالة .
43. الدار المباركة ، هي اللي مافيها مبارك ولا مباركة .
44. داويت السقاطة واللماقة ، والخفيفة ما لقيت فيها طاقة .
45. دار الفضيحة فوق السطيحة .
46. دخلناهم خرجونا .
47. دخلناه ياكل الفريك ، صبح معانا شريك .
48. دخلناه من القطرة ، وبغا يدي لينا البقرة .
49. الدنيا غدارة ، والأيام دوارة ، مول الحمار دار طيارة ، ومول الخيمة
دار عمارة
.
50. اللي مشا ليه ما جابو ، واللي خلاه ما صابو .
51. فرش لولاد الناس فين إنعسوا ولادك .
52. الفم المسدود ما تدخل ليه دبانة .
53. فين ما درتي راسك تصيبو .
54. الفم إغني والدراع مغني .
55. الفم حراق طراق ، واليدين داوهوم السراق .
56. هايهاي على با ادريس ، باع الجمل وشرا التليس .
57. فران وقاد بحومة .
58. فين كنت يا الغنم ، ملي كنا كسابة .
59. الوقت المنقوس ، كا يغيب الكنار ويحضر المنحوس .
60. الصحبة المغشوشة ، حكها يبان عيبها .
61. قطران بلادي ولا عسل البلدان .
62. قطران العز ، ولا عسل الذل .
63. حد الحلاوة زبيبة .
64. قوة التقرقيب وقلة النقيب .
65. دخانهوم عمانا وطعامهم ما جانا .
66. قوة الهضرة ، ما تبيع ما تشري خضرة .
67. قد راسو قد الشاشية .
68. القصام للنار .
69. قهر البلا ، قبل لا يدير لك شي زبلة .
70. عرس يتيم ويتيمة واللي دار شي لله .
71. ربي ما تصيب ، عند ربي ما تخيب .
72. رزق الجوف تا يبات فيه .
73. ربيت كلبي حماني ، ربيت ولدي رماني .
74. رحمني نرحمك ، ما نتاشي ربي نعبدك .
75. ريحة لميمة تحييني وخا تكون بالسم تسقيني .
76. ربي عطاك والعبد فاش جاك .
77. ريح ساعة تا تخلي قاعة .
78. رخيهوم إرحموك .
79. رد الله بسوق الغزل ، حتى دارولو الدفة والقفل .
80. رفاقة المبلي كا تبلي .
81. راسها شايب ، وعامر بالغرايب .
82. رضيت بالويل والويل ما رضا بيا ، درتو عند راسي ولقيتو حدا رجلي .
83. دار من الحبة قبة .
84. اللي مشاليه ما جابو ، واللي خلى ما صابو .
85. ما ضرني لا عرا ولا حفا ، ضرني غير اللي باعني بنص دفة .
86. كول ديالك ، ونقي خيالك ، والباقي ما شي ديالك .
87. اللي حرث الجمل دكو .
88. العين ما تعلا على الحاجب .
89. اللي بغا العسل ، يصبر لقرص النحل .
90. وريه ، وريع ، ويلا عما سير وخليه .
91. اللي دارها بيديه ، يفكها بسنيه .
92. لبس كدك إواتيك .
93. اللي فراس الجمل فراس الجمالة .
94. ضربني وبكا ، سبقني وشكى .
95. يكفيه اللي فيه ، ويلا زدتيه غير غا تغميه .
96. سبحان من بيتها فشان ، وصبحها فشان ، وهو عظيم الشان .
97. سمني ويبزاري ، يطيبو لي احجاري .
98. سيدي حادق ، وللا احدق منو ، هو يحسب القديد وهي تقطع منو .
99. ساعة من عند الغني كا تغني .
100. سال المجرب لا تسال الطبيب .

السلام عليكم
تعرف اخي نورالدين انا من الذين يطبقون الامثال والحكم
ويؤمنون بضرورة تطبيقها في الحياة لانها نابعة عن تجارب حقيقية لاناس عاشوا بالفعل احداثها فهي لم تات من فراغ..............لذا انصح الجميع بالعمل بها

السلام عليكم

شكرا لك اخي و اقول لك انه فعلا الأمثال و القيم و المبادئ و الحكم جاءت من نبع واحد و اظن اننا محتاجين لهم في عصرنا هذا الذي لا يعلمه الا الله صبحانه و تعالى و ياريت نحاولو نطبقوهم لأنو من وضعهم اناس جديرين بالثقة و بالحب و التقدير و الإحترام

نورالدين واليحين lol!

» أمثال شعبية تفيد آدم في حياته
» أمثال شعبية تفيد آدم في حياته
» أمثال شعبية تفيد آدم في حياته
» أمثال شعبية تفيد آدم في حياته
» أمثال شعبية تفيد آدم في حياته

صفحة 1 من اصل 1