fatima48 نائبة المدير العام
علم الدولة : عدد الرسائل : 2312 العمل/الترفيه : ماكثة بالبيت الدولة : الجزائر تاريخ التسجيل : 19/12/2008 نقاط : 3472
| موضوع: أسفك مرفوض يا غالي الجمعة أبريل 10, 2009 2:12 pm | |
| انا آسف ، هي كلمة اعتذار بنقولها كل يوم ، لو خبطت في واحد وانت ماشي من غير ما تقصد بتقوله انا آسف ، لو وقعت حاجة من ايدك واتكسرت بتقول انا آسف لو اتاخرت عن ميعادك مع واحد تقول انا آسف ، طيب لو جرحت واحد بكلمة بتقوله انا آسف ولو كدبت على حد برضه بتقول انا آسف ، الكلمة واحدة والمعنى واحد بس الموقف مش واحد يعني لو وقعت حاجة من ايدك واتكسرت اسفك ساعتها مقبول طيب لو كسرت قلب واحد ، يعمل هو ايه باسفك ، صحيح لازم تتعذر ، بس ساعتها كلمة الأسف بتبقى قليلة اوى وضعيفة جدا ، ليه لما واحد يجرح واحد ويرجع يقول انا آسف الموضوع مش بيخلص في ساعتها ؟، يمكن لان الانسان اللي اتجرح مش شايف في عيون اللي جرحه انه ندمان فعلا ولا لان المه في لحظتها اكبر من انه يخليه يسمع كلمة الاسف فتعدي من جنب ودنه كده زي الهوا ولا يسمعها ولا يتاثر بيها ، ولا الموضوع بيتوقف على الشخص نفسه يعني لو اتنين عملوا فيك نفس الموقف ممكن تقبل اسف واحد منهم بس ما تقبلوش من التاني لان رصيده عندك من الواقف الكويسة يخليك تسامحه بسرعة ولا الموضوع بيقبى بالعكس على اساس انه على قد المحبة بيكون العتاب وان لو واحد غريب عنك وجرحك مش هاتتاثر بيها زي ما تتاثر بنفس الجرح من واحد قريب منك ، انا في راي ان الاسف واجب عليك لما تغلط ، وكلنا بنغلط ، بس لما تقول انك اسف لازم تكون بجد آسف من جواك قبل ما لسانك يقولها ، اصل هي مش كلمة والسلام ، لان هو ده بالضبط السبب في ان احنا بقينا مابنصدقش كلمة الاسف اللي بنسمعها لانها بقت كلمة مستهلكة بتتقال عمال على بطال ، زي برضه الناس اللي طول النهار بتقول لبعضها يا حبيبي ، ويا غالي والكلام الغريب ده ، كلمات جميلة ومعناها حلو بس لما تتقال في وقتها وللشخص المناسب والا مش هايبقى ليها اي لازمة ويبقى عنده حق اللي تروح تقوله انا آسف ، فيقولك أسف مرفوض يا غالي!!!!!!!! | |
|
Admin المدير العام
علم الدولة : المهنة : استاذ عدد الرسائل : 3792 العمل/الترفيه : موظف الدولة : الجزائر تاريخ التسجيل : 05/12/2008 نقاط : 6990
| موضوع: رد: أسفك مرفوض يا غالي الجمعة أبريل 10, 2009 3:07 pm | |
| فعلا يا فاطمة كلمة الاسف اصبحت مستهلكة كثيرا هذه الايام وهي مقبولة كما تقولين ان كانت صادقة ونابعة من القلب
| |
|