هموم هذا الزمان

هموم هذا الزمان





بغيت نخرج من قلبي ما صبت الي لي و يسمعني


الي نحكيلو ما يفهمني و قلبي ما يهدا و يزيد يوجعني


الدنيا ساعات تنزل فيها البركات منها الي تعمر و منها الي تخلي


كثرت الأنانيات ألي تحكيلو يقولك راني فايتك خليني


يدعيلك بالعفا و يهرب بالحفا يخاف تقولو اعطيلي


رحمتك يا إلاه ويلى رزقي راه معاهم منهم اديني


البخل ماهو من عادتنا و عاد في النية و الحيلي


الجهل بالمال و لى فراسة يقولك نعرف لا توصيني


شت صورة في ذا الزمان ما بغى ينساها عقلي


الزوجة عشقت جارها بالمال قالت لراجلها طلقني


السيف القاطع في هذا الزمان عاد معلق و مدلي


الي كانت تنقب خلف الباب خرجت منو تشطح و تغني


يا طالب الزين أكتبلي و ل رقيلي


شربني الما بدواه على ذا الهم نسيني


البخل هاهو وين راه و ل راجل يسيركيلي


و الشح تابعو موراه أديني معاك للغاني لا تخليني


ثمة نصيب دوايا و الفقير طلب و عطالي


طاح في فراشو زمان ماعاد يطلب مانروح ليه تاني


في وقت الشدة أكرم الكريم و لو طلب الغالي


كفى بربك وكيل ماطلب للنجدة غير الفاني


لا تجحد الخير الي عطاه مولاك العالي


دير الخير و نساه و كون راجل انساني


لا يغرك الخيال و تقول راني بمالي و رجالي


و تقول كي كنت نعاني حد
أنا ما عطاني


ذيك عشية و هذا صباح و قول الحمد لله على حالي


كنت في زمان يا حسراه عريان و اليوم كساني


ما كنت تتوهم موحال بالخير و الشان و الظلالي


الرزق يعطيه مولانا للطايع يكون للجنة باني


ماتقول نشوات ماتقول مشيات رجلي


بغيت نخرج من قلبي ما صبت الي لي و يسمعني


عايش بين الناس و الناس برهم خالي


و الي تبدلت عليه ليام كان فقير ول غني


ما يعيش مع ناس يعرفو بطنو واش كالي


يبدل سروات بجبل ما يبقى للنظرات يعاني


و الغني و ال فقر يوجب عليه الهجر و يقول الي عطا أدالي


و العار إذا سكن لعقول وين تروح تقول يلقاني


بغيت نخرج من قلبي ما صبت الي لي و يسمعني


الي نحكيلو ما يفهمني و قلبي ما يهدا و يزيد يوجعني
















بقلم الشاعر أحمد كلوى

أخوك نورالدين واليحين